做人冇夢想同條鹹魚有乜分別呢！人生最緊要有大志，訂好目標然後用心打拚，咁先可以無悔今生。日本水着界可愛小花松嶋野乃花都係咁話，佢相當有志氣，一踏足藝能界就希望可以成為第二個綾瀨遙！
女性嘅胸部之所以體積大，基本上係因為當中脂肪含量高。而脂肪就冇導航系統，唔會只集中於胸部，是以，一般嚟講，胸大嘅女仔通常身體其他部分都幾肥，即使係天賦異稟嘅日本水着女優亦冇辦法幸免，好似巨乳尤物瀧澤乃南、篠崎愛、紗綾等係就係胸大，但係條腰同臀都肥咗少少。不過，胸大而身細嘅罕有女優都唔係話冇，松嶋野乃花就係難得嘅一個喇。野乃花今年21歲，青春活潑，嬌俏可人，天真無邪嘅氣質令男人如沐春風，心境平和兼心靈潔淨。然而，當我見到阿妹嘅胴體，邪念又油然而生，因為佢條腰只得22吋，而上圍則係33F-Cup美巨乳，如此薄身又好波，世界真係冇幾多個咯！
野乃花就係憑住如此姣好身段以及天真笑容，喺2011年參加Miss Young選美比賽而奪冠。做咗冠軍之後，野乃花多數都係出席攝影會活動以及間中上吓綜藝節目做嘉賓玩遊戲，參演電視劇、電影嘅機會幾乎冇。當中原因可能係阿妹佢仲未熟習幕前演出，據講佢之前去到關島拍寫真DVD嘅時候，對鏡頭講幾句對白都未掂，表情同語氣都相當生硬。野乃花就表示之所以表現得咁緊張，可能係因為導演要佢講對白嘅時候，要幻想自己挑逗緊其他男人有關。挑逗男人有幾難呀？野乃花補充話自己連拖都未拍過，所以先咁怕醜。拖都未拍過？咁阿妹咪可能仲係處女！邊個可以溝到佢就發達啦！不過，野乃花就話自己仲未想拍拖住，因為家陣以當紅女星綾瀨遙作為目標，最希望就係可以拍劇拍電影，爭取更多磨練演技嘅機會。
松嶋野乃花近期嘅工作都係以參加攝影會為主，而佢就最鍾意將拍攝落嚟嘅火辣照片放上博客同大家分享，大家Click上去除咗睇到靚相之外，有興趣仲可以留低資料參加其攝影會。
網址：http://ameblo.jp/matusima218/
年齡：21歲
身高：5呎2吋
三圍：33F-22-32
撰文：賢