最近內地網絡美女相冊欄出現一個新名詞，就係「動妹」，同動漫女郎完全無關，係指「動車乘客服務員」。現時全國開通咗唔少條動車路線，穿梭各大城市，由於車費昂貴，所以服務質素都有番咁上下，而動車上嘅服務員個個都好似空姐咁靚添！
於上個月開通嘅渝利鐵路，由重慶市至湖北省利川市，而大部分服務員都喺重慶招聘，大家都知四川出晒名多靚女，因此吸引唔少龍友買車票上車同呢班美女服務員影相，更將相片放上網公諸同好，從相片中所見，每個服務員的確年輕貌美，有啲仲好有明星相添！巴打們想一睹「動妹」嘅風采，就要掏荷包買張車票喇！
撰文：小德