泰國菜畀人食得零舍開胃嘅感覺，無論甜、鹹、酸、辣，都能刺激食欲。最近去大富豪桑拿，揼完骨出嚟冇乜胃口，經理話冇胃口最啱食泰國風味小炒，仲即時推介泰式蝦仁炒西蘭花，心諗咁有乜特別呀？
點知經理笑笑口話試過就知好嘢，見佢盛意拳拳，於是就點咗個嚟試吓，唔使五分鐘，熱辣辣嘅小炒出現面前，撲鼻傳嚟嘅香味，非一般打個酸辣芡汁喺上面就算，而係醃蝦時落重料，酸辣濃香嘅味道早就入晒蝦肉裏面，師傅採用快炒，令味道盡量保持，食落蝦肉爽彈，加上香濃嘅泰式風味，真係好有創意。至於西蘭花，除咗用蒜蓉起鑊爆香外，仲加入香茅同金不換等泰式香料，所以香味特濃，果然無介紹錯！
食品提供：大富豪桑拿
價錢：桑拿客人HK$25
撰文：小德