上年4月惠比壽麝香葡萄解散，令好多AV迷傷心落淚。不過，我哋唔使再傷心喇！因為日本出現咗一個AV舞台，專門邀請一班AV女優上台表演，其精彩程度連AKB48都唔夠佢哋揮呀！
雖然有唔少AV女優成日搞簽名會，但係地點都分得好散，唔夠集中。然而，情況將會有所改變，因為喺東京都北區嘅大型活動大廳「Basement Monstar 王子」已經變成AV舞台！大家只要Click上網（網址：http://www.h2t.tv/）睇清楚表演時間，就可以入場睇表演。呢個舞台名叫「Happy Hour Theatre」（簡稱HHT），上個月20日作出第一次公演，當日出動嘅女優多達14名，包括有新一代癡女掌門蓮實Kurea、羽月希、白石茉莉奈等超人氣女優，陣容勁強！
而活動除咗有載歌載舞表演，仲有攝影會、握手會、訪問、情色小說朗讀等，同一時間，班AV女優嘅演出片段將會送到亞洲各個地區嘅網站作實況轉播。首次公演當日，一眾女優演出落力，好似羽月希就表演內衣騷，發放F Cup美巨乳魅力！新紮美少女小天后湊莉久就換上青春可愛嘅泳衣行Catwalk，至於超人氣人妻白石茉莉奈就畀女主持日高百合子拉咗上台做訪問，期間百合子仲胸襲茉莉奈，搞到現場觀眾差啲忍唔住衝上台玩埋一份。咁多精彩節目，加上女優們落力演出，難怪HHT嘅顧問、擁有日本成人錄像之帝王稱號嘅村西亨都表示比起AKB48嘅演出精彩10倍啦！
撰文：賢