男人咩時候最有型呢？工作嘅時候？打機嘅時候？其實打仗嘅時候，表現出英勇一面應該係最有型最迷人，可惜家陣冇仗打，亦唔希望會有得打。咁點先可以變得有型呢？嫩口索女一之瀨愛梨就覺得，騎電單車嘅男人最有型。
日本寫真界同AV界將女仔分類得好仔細，以前就分巨乳系、豐滿系、成熟系、美少女系，家陣仲更加仔細，小惡魔巨乳系、美少女美尻系等等，咁做法令大家可以更加快捷方便又清楚咁了解到該女優嘅賣點同類別。提到清楚，一之瀨愛梨就被歸類為清楚美尻系女優。清楚二字用得非常好，其中包括清晰、清潔、形象鮮明嘅含意，而愛梨佢嘅亮麗面孔就集合晒上述優點，所以大家一眼望上去，絕對唔會覺得面目模糊，兼且留下深刻印象。今年只係21歲嘅愛梨除咗嫩口又活潑，其身材亦相當好，薄身得嚟屁股又圓又挺，C-Cup上圍大小適中，加埋一身雪咁白嘅肌膚，相信冇人會挑剔喇啩！
一之瀨愛梨前年年頭加入日本水着界，賣點就係青春魅力以及優質美尻。由於阿妹佢仲係大學生讀緊書嘅關係，所以唔敢接太多工作，去年出品嘅寫真DVD只得一隻《有—My Love》。雖然，阿妹喺一次訪問中表示拍攝嘅時候的確好緊張，幾乎全身都硬晒軚，特別係要佢換上三點式仲要玩屁股搽油，更加令佢相當難為情，但係阿妹依然一一完成，自然嘅表現備受認同。阿妹仲補充話當日去沖繩拍呢隻寫真DVD嘅時候，真係好想有人可以從旁打氣，該人除咗係父母之外，最好就係幪面超人喎。愛梨自稱係狂熱幪面超人系列粉絲，仲話認為騎電單車嘅男人最有型，有朝一日可以拍幪面超人系列，享受變身嘅滋味就最好不過。
一之瀨愛梨趁聖誕節四圍搵聖誕樹影相，想知道阿妹佢「集郵」咗幾多棵聖誕樹返嚟，可以去佢個博客睇睇。
網址：https://twitter.com/arinko_712
年齡：21歲
身高：5呎2吋
三圍：31C-23-33
撰文：賢