澳門夜蒲熱點眾多，而D2絕對係其中一個極具人氣嘅蒲點，喺嚟緊嘅除夕夜佢將會為一眾蒲友帶嚟連串狂歡節目，除咗有舞者為大家狂舞助興外，更搵嚟DJ界國際級音樂狂徒為大家獻上精彩嘅音樂演出。家陣D2提供預先訂枱嘅套票優惠，而優惠套票分為三種，分別係四人行嘅Standard Table、八人同行嘅Owner's Table及尊貴級Stretch Limo，而每張套票包括一至三支威士忌，當中尤以Stretch Limo至為好玩。事關除咗可以坐喺二樓VIP區俯瞰整個舞池外，更有專車接送到澳門任何一處地方，果真係貴賓級享受！