日本出產嘅AV作品聞名於世，其實唔係真槍實彈嘅日本情色電影一樣咁出色，好似《感官世界》、《禁室培慾》都相當經典，不過在小弟心目中，《花與蛇》就最經典最好睇，原因除咗係情節夠激夠重口味，仲因為有日本情色電影Icon杉本彩呢位妖姬主演！
家陣日本藝能界最具話題性嘅艷星相信係壇蜜，不過，若然壇蜜見到呢位前輩，佢一定、必定覺得自愧不如兼必恭必敬，呢位就係有「性愛傳道師」、「過激女王」，甚至係「日本麥當娜」之稱嘅杉本彩喇！彩姐出身於一個破碎家庭，曾經因為父母不和而自殺，幸好救得番。當佢阿媽離婚改嫁嘅時候，彩姐因為接受唔到而離家出走。到高中一年級，彩姐就突然輟學去做模特兒。後來得到事務所將佢引入藝能界發展，19歲嘅時候因為演出深夜節目《通宵富士》而嶄露頭角。除咗做演員，彩姐仲不時出席音樂會及學園祭，令佢有「學園祭女王」嘅稱號。身高5呎7吋，並且擁有豐滿身材嘅彩姐，每次演出都不介意展露驕人身段，加埋拍寫真嘅時候動作意識大膽，令佢瞬間受到廣大男士熱捧，更得到知名情色小說作家團鬼六點名，搵佢拍經典情色片《花與蛇》。
2004年拍攝電影《花與蛇》，當中彩姐被剝光豬再五花大綁被凌虐一番，其他SM場面如滴蠟、鞭打等，加埋彩姐放蕩無比嘅性愛場面，令作品激情四射，堪稱日本情色片中嘅經典之作，亦令彩姐嘅人氣同地位火辣爆升。彩姐嘅激情演出令佢成為唔少情色片嘅主角，例如《花與蛇2》、《極道之妻》等等。及後眾多演出冇令佢形象低落，因為彩姐除咗係一位出色嘅演員，同時亦係一名才女、作家，其文學涵養相當高。另外，彩姐更加係美麗與智慧嘅化身，事關佢搵到錢唔會亂使，更自組公司推出自己品牌嘅化妝品同內衣，做埋生招牌。現時，彩姐開埋藝能事務所做社長兼職員，冇計啦！彩姐雖然已經45歲，但係魅力驚人，身材依然處於高峰，相信佢嘅演出工作可能比旗下藝人仲要多。
撰文：賢