「字裏淫間」呢個欄目會為大家細數26個英文字母，各自喺成人界一啲有代表性嘅詞語，而第一炮當然以A字行先。A對好多人嚟講有唔同嘅意思，形容超勁、超正嘅嘢我哋會話係A級；形容兒童不宜嘅事物會話佢係Adult，即係成人專用嘅嘢；而講到最多人識嘅則要數日本嘅AV。事實上，A字仲有其他意思，以下詞語唔知大家又知唔知呢？
「AVN Awards」係由美國Adult Video News雜誌所辦嘅四仔頒獎禮，更有四仔奧斯卡之稱，從1984年2月首次舉辦至今，已經有29年嘅歷史。從當年僅得十幾個獎項至今，每年AVN Awards都會頒發近百個獎項，並設有名人堂以紀念喺四仔界有貢獻，及有傑出成就嘅從業員及演員。由於佢嘅挑選嚴格，並且由相當具有公信力及評審團進行評審，喺四仔界有舉足輕重嘅重要性。
美國四仔有Softcore同Hardcore之分，分別在於後者着重性器官嘅特寫，而講到美國最早嘅Hardcore鹹片，普遍認為係喺1915年以黑白菲林拍攝嘅《A Free Ride》。呢套10分鐘嘅Hardcore色情片，唔單止有重要部位嘅特寫同肉搏場面，仲有戶外風景、故事內容同對白字幕，就連拍攝同剪接都相當專業。影片講述男主角司機落車小解，旁邊偷睇嘅兩個女仔見到心郁郁，跟住就搞埋一齊。
AV迷間有云「平生不識朝河蘭，看遍AV也枉然」，足見呢位擁有34D、23、33魔鬼身材嘅AV女優影響力幾咁大！事實上，1980年9月4日出生嘅佢，自2001年投身AV界開始到2002年嘅一年間，共有212部AV作品推出，呢個咁厲害嘅成績更獲得健力氏世界紀錄認證為「一年之內售出最多色情影片的女演員與製片公司」世界紀錄頭銜擁有者。可惜朝河蘭喺2003年宣布引退，以致成績未能繼續刷新。
「ABC Party」係近年外國，尤其係美國最為流行嘅一種派對玩法。事實上，ABC Party並非指剝光豬乜都唔着，而係「Anything But Clothes」嘅縮寫，意思即係以唔着衫作為主題嘅派對。參加派對嘅玩家身上唔可以穿着衣服，卻可以揀選膠帶、紙張、毛公仔，甚至係樹葉等物品遮擋身上嘅重要部位。呢個玩法過癮之處，在於玩家可以按個人喜好，着得幾性感、幾火辣都得。
Auto-Fellatio解作自我吹奏，即係自己同自己嘅兵器進行吹奏嘅行為，並通常用喺男士身上。想玩呢招不但要擁有相當長度嘅兵器，條腰嘅柔韌性更要厲害。美國嘅四仔界就有位玩呢招玩到出晒名嘅男脫星，佢就係美國四仔界名人堂成員Ron Jeremy！今年60歲嘅Ron唔單止識自我吹奏，多年從影生涯拍過2,098套四仔，而性格親切嘅佢近年更充當美國四仔嘅親善大使。
對AV迷嚟講，一定相當熟悉Alice Japan呢間日本AV製作公司嘅名字。呢間成立於1986年4月4日，專職生產有碼片嘅AV片商，至今已經成立咗27年，歷史相當悠久。多年嚟佢所捧紅嘅AV女優更係多不勝數，好似著名女優小澤圓、鮎川亞美、松島楓等，而近年活躍於內地嘅前AV女優蒼井空，亦曾經同呢間公司簽約。Alice Japan曾推出著名系列「人間廢業」同「女尻」。
香港官網：www.alicejapan.hk/
撰文：魂