情慾小說一定大灑鹽花先叫好叫座？若然故事感人肺腑咁係咪不倫不類呢？《Wild Girls, Wild Nights: True Lesbian Sex Stories 》一本報稱真人真事結集成書嘅女同故事，除咗有令人血脈沸騰嘅性愛場面描述外，最引人入勝係本書道盡現實生活中女同性戀者嘅心理困擾，尤其係面對社會及親人歧視冷待，當事人內心如何掙扎及渴望得到他人嘅認同。
書中透過七個不同年齡、膚色、社會地位及家庭背景嘅女同故事，令各位更了解真實女同生活，例如天生女同傾向、雙性戀者甚或貪刺激想試試同性上床嘅女士，訴說着女同戀人由認識一刻到上床發生關係過程，本身故事已經相當吸引，再打住真人真事嘅旗號，如此寫實式情慾小說，叫大家如何唔捧場？
撰文：祖