介紹過咁多個南韓人氣車模畀大家，係咪個個都又靚女又性感呢？唯一美中不足，就係差唔多個個都接近「三張嘢」，咁有冇後生啲o架？今日一於徇眾要求，介紹個25歲嘅美女畀大家認識，佢就係洪智妍
咪睇洪智妍只得25歲，佢已出道多年，事關佢未畢業就已經出嚟客串，做咗幾年網拍模特兒，由於樣子甜美，所以早年喺網拍界都稍有名氣，畢業之後原本想做OL，偶爾繼續兼職，但由於兼職工作不斷，嚴重影響正常工作，所以權衡輕重後，決定全職投入模特兒工作，而一如其他人氣模特兒，全職後少不免在賽車場做賽車女郎。智妍身材高挑，着起賽車女郎制服特別搶眼，惟獨塊面有少少「嬰兒肥」，但龍友同粉絲們都冇嫌棄，反而覺得佢特別可愛，因而人氣大增，加上時裝雜誌經常搵佢拍硬照，所以佢嘅照片喺網上不斷畀人轉貼，出道兩三年左右，人氣已經直逼阿姐級嘅位置！
智妍人氣咁強，自然畀車廠老闆留意到，所以好快就唔使佢喺賽車場上受盡風吹雨打，轉行做車展模特兒，連續多年嘅首爾車展，都見到佢嘅身影。智妍衣着十分正派，所以網上車模大雜燴嘅照片中，甚少見到佢，因為裸露太少，但大家喺搜尋器打上首爾車展同智妍嘅名字，就會見到佢好多嘅照片。有人會問智妍裸露咁少，係咪冇本錢呢？絕對唔係，智妍擁有34吋C級上圍，唔使加工都十分有睇頭，只係佢自出道以來就甚少賣肉，所以性感照比較少，但有啲衣服或者拍攝需要性感時，智妍係會徹底豁出去，真空上陣亦面不改容，近年智妍更染指埋網絡遊戲，以超性感Coser出場，每次都令人驚喜不斷。
出生地：南韓
三：34-24-35
身高：175cm
簡介：裏面收藏咗數百張洪智妍出道以來嘅精美照片，可惜性感照比較少，大多數係時裝雜誌寫真，以智妍嘅吸引力，仍然沒法擋。
網址：http://myfavorites.jonai.net/Korean/Hong_Ji-Yeon/
撰文：龍四海