拓也哥嘅出現令女優都行埋一邊！我明白對於一眾「直男」見拓也如見鬼，但自「矛盾大對決」擔爆「不爆男優」一役後，拓也哥紅遍整個大中華，推出「真人倒模」飛機杯係意料中事，而早佔先機嘅係出旋轉震動男用吸盤玩具起晒朵嘅日本情趣用品商Rends。包裝更抵死到寫住「色慾共同開發」，即係拓也哥除咗靠把口「倒模」，仲有參與設計過程。
而今次件「Rends×拓也哥」矽膠飛機杯，日本製造，用兩種物料製成，玩前軟後硬，上層設有仿真坑紋，下層有凸起柔軟舌頭形大刺激塊，報稱可令用家完美體驗「喉嚨」快感，伸入長度達140mm，莫非真係可以感受到傳說中嘅「高速真空吸」及「深喉嚨緊縮」奧妙？
名稱：Rends × 拓也哥
售價：HK$296
查詢：性事良品
電話：2449 4128
撰文：祖
紋身被喻為人體藝術，之不過紋咗就一世，你估人人都咁偉大嘅咩？所以紋身貼紙暫時可滿足一批追求藝術嘅「偽術家」！話佢「偽」當然因為啲紋身係假嘅，其次係今日嘅紋身貼紙，目的主要係滿足男士官能刺激，最重要喺囡囡肯黐上身，跟住畀你剝，藝術與否Who Cares？
好喇，「龍虎鳳」、「蛇貓狗」紋身貼紙細佬絕對唔會介紹畀各位，反而有「Pop Art王子」之稱嘅Mitch O'Connell親自繪製嘅紋身貼紙，畫面豐富、題材奇幻、顏色對比強烈，部分糅合男女性愛元素，由於佢嘅紋身極具個性化關係，至啱喺節日派對中紋身上陣，推介最有性愛元素嘅「Trippin'」系列，裸女、男女體位疑幻疑真，保證可以成為全場嘅焦點之餘，一個「紋身」就充滿性暗示，在場嘅派對動物想「甩身」都好難喇！
名稱：Trippin'
售價：約HK$234
網址：www.mitchoconnell.com/merchandise/merchandise.htm
撰文：祖