師傅成日都話做人成功要靠三分天才七分努力，但係小弟活咗咁多年，知道天資聰敏做事真係事半功倍，而來自美國嘅Andy Moor就被譽為天才DJ，所以年紀輕輕就已經識得創作電子舞曲，家陣更加躍身成為國際級知名DJ，月尾佢仲會去到澳門獻技兼慶祝新一年來臨，大家又點可以錯過呀！
Andy Moor 11歲就已經精通包括鋼琴等六款樂器，13歲就懂得創作舞曲，到21歲佢就成為DJ於各大小娛樂場所表演。由於Andy天才橫溢，曾經多次被提名競逐格林美音樂獎嘅最佳電子舞曲DJ獎，而佢喺過去六年亦係國際DJ排行榜DJ Mag Top 100嘅前列分子。12月31日Andy就會去到澳門豪華又時尚嘅頂級娛樂場嬌比為大家一展身手，為大家帶來自己創作嘅精彩電子舞曲。一邊品嘗美酒，一邊隨歌起舞，一邊同現場人士齊齊倒數，絕對係一次難忘又美滿嘅經驗。
撰文：賢