睇戲最怕就係劇情單調、角色單調，可惜外國唔少情色電影都係犯上呢種毛病，成套戲得一個女主角，露來露去都係佢。不過，今次為大家介紹嘅呢部《泳池情殺案》就唔同喇，因為女主角有兩個，而且各有特色，劇情仲引人入勝添。
《泳》片故事講述中年女人莎拉係一名小說家，曾經創作唔少知名作品，可惜任何作家都會面對一個大難題，就係缺乏靈感喇！為咗放鬆身心同時激發創作靈感，出版社老闆，同時亦係莎拉情人嘅約翰，就叫佢去位於法國南部嘅一間花園別墅度假。正當莎拉去到別墅，享受法國優美風光同宜人天氣嘅時候，一個自稱係約翰個女嘅美少女茱莉登門造訪，仲喺別墅住落嚟。莎拉起初對佢冇乜抗拒，只不過茱莉係個名副其實嘅豪放女，除咗成日到別墅嘅泳池裸泳，大騷青春無敵胴體，仲幾乎每晚都帶唔同男人去別墅鬼混！唔知係出於妒忌定係報復，莎拉就決定用茱莉作為新小說嘅藍本，仲偷睇茱莉同其他男人上床以及其日記。
漸漸，莎拉開始受到茱莉嘅感染，嘗試野外露出同換上性感泳裝游水，思想亦變得開放主動，更喺一間餐廳結識到俊朗侍應芬克，仲為咗見多佢幾面而經常光顧餐廳。及後茱莉發現莎拉偷睇其私隱亦知道此事，於是為咗報復而主動色誘芬克。當茱莉將芬克帶返屋企諗住上床嘅時候，芬克加以拒絕，仲表示對莎拉更加有興趣。芬克咁講即刻惹起茱莉嘅殺機！第二日，莎拉就發現芬克嘅屍體，仲意外地同茱莉一齊埋屍。此後二人關係好轉，更發展出有如母女嘅感情。最後，莎拉嘅小說完成，將之交到出版社老闆手中，此時辦公室內就出現一個面貌普通嘅女仔，佢就係老闆個女茱莉，呢個時候大家就知道之前嘅美少女茱莉其實係莎拉幻想出嚟，至於有冇殺到人就要等大家思索喇。
《泳》片故事以懸疑手法包裝，實際就講中年女人對年華老去嘅惋惜同無奈，劇情都算幾有深度。至於床戲方面，女主角茱莉嘅多段情慾場面相當到肉，特別係泳池邊為男伴吹奏嘅一幕更加惹火。至於中女莎拉雖然年紀大咗少少，但係韻味濃郁，胴體亦苗條婀娜，同茱莉各有各露，各有各精彩。
撰文：賢