近期最具人氣嘅動漫作品一定非《進擊之巨人》莫屬，由於佢實在太受歡迎，不但開拍真人版，就連AV界亦搶拍AV版，無論係咪進擊迷，相信都會鍾意睇！
《進擊之巨人》故事講述世界被巨人侵佔，班巨人仲偏愛食人，僅餘嘅人類築起三重巨大嘅城牆保命，而隨住故事發展就慢慢解開有關巨人嘅謎團，同時亦揭露人性從艱苦困境中嘅變化及無奈。自2009年推出以來，漫畫版迄今已經錄得2,300萬本嘅驚人銷量，除咗紅遍亞洲，連外國人都話要睇，認真威水！兩年前更開拍真人版，但本月初卻突然宣布換上全新班底重新拍攝。而最近一間新開張嘅AV廠亦乘勢推出
《進擊之巨人》AV版嚟造勢，呢間AV廠名叫STUDIO2.5，佢系出名門，其母公司正係以拍攝特撮式AV而聞名嘅GIGA！
S廠於今年11月成立，最新力作就係以《進擊之巨人》為藍本嘅《Charge on Themis - Titan Soldiers》喇！呢部作品由AV女優阿部美久以及橘日向主演，佢哋嘅扮相抄足正版嘅造型之外，仲會變身成為裸體女巨人，同男巨人喺城市場景當中展開連場激戰，絕對係誠意之作！除咗呢部作品之外，亦有推出類似經典遊戲《Dragon Quest》嘅《Magic Quest》，及改編人氣動畫《科學超電磁炮》嘅《某個未來的超電磁衝擊》等等，每部AV嘅角色造型以及特別效果都極之用心，睇落的確同正版十分相似，只係加插好多鹹濕情節而已。如果部部AV作品都咁用心製作，就唔會畀班AV界老前輩話時下嘅AV冇晒靈魂啦！
撰文：賢