有消息話澳門最多流鶯出沒嘅地方，人稱「沙圈」嘅某大老牌酒店嘅商場內，有關單位會喺短期內採取行動，全面取締。呢個令唔少老友懷念嘅獵艷勝地，可能又會成為歷史。其實澳門街有流鶯出沒地方，唔只呢度，就喺附近嘅廣東街，回歸前都係盛極一時，聚集眾多流鶯出沒嘅地點。廣東街係一條兩三百公尺嘅步行街，兩旁全是酒店同私人住宅，外圍就係各式各樣嘅娛樂場所，附近嘅住宅，曾經成為不少夜場囡囡嘅宿舍，所以呢條街有唔少北妹出沒，一到黃昏就有唔少「塘邊鶴」喺度流連，目的就係(目及)女。當時愈嚟愈多囡囡聚居，只因有人嚟到未搵到工，有人唔撈但未到期返去原居地，有人休假想搵多啲，於是因利成便，於入夜後落街，兜搭路人，如果搵到客人，就返上宿舍進行服務，啲宿舍都唔差o架，因為唔少囡囡都係同幾個姊妹租地方住，所以布置唔錯，入到閨房同香港啲一樓一差唔多。