娛樂版成日都見到有關男星女星，同比自己年紀小嘅拖友發生忘年戀嘅報道。老實講，戀愛係自由嘅，點解要用年齡嚟劃分界限呢？好似南韓韻味特濃嘅女星徐情演出嘅經典情色作品《綠色椅子》，就係講一段激情嘅忘年戀喇。
《綠》片故事講述32歲嘅失婚少婦文姬清秀而散發住知性美，真係令人深深迷醉，而一開場嘅時候，佢就問男主角志浩係咪第一次，志浩就強作鎮定咁回答，仲講咗好多嘢嚟表現自己有幾咁成熟，然後二人就上床發生佢哋嘅第一次。點解文姬會咁問呢？原因志浩係一個剛剛出嚟做援交嘅19歲少年。呢一次之後，二人漸漸墮入愛河，感情不知幾咁甜蜜。
之不過，由於南韓有法例規定19歲以下都未算係成年人，而佢哋嘅戀情穿煲之後，文姬就被控與未成年少年發生性行為，雖然唔使坐監，但係文姬就被判需要進行一百小時社會服務令（咁似香港嘅？）。被判有罪嘅文姬依然繼續同志浩相戀，而志浩雖然仲未有車牌，但係亦冒險揸車接送文姬到醫院照顧腦退化症病人。此外，二人更加經常流連旅館，於當中享受性愛之樂，同時互訴心事、畫人像素描等，實在係甜蜜到爆晒燈。
然而，呢段日子的確短暫，但係又好開心，不過文姬對於大家嘅將來都係抱有懷疑，突然不辭而別。後來，文姬某一日就喺食店見到志浩借酒澆愁，志浩抓緊機會向佢表白愛意，令文姬深深感動。最後，志浩終於踏入20歲嘅大日子，喺佢嘅成人禮當中，文姬喺志浩嘅父母同親友面前表達彼此愛得幾深，並且決定長相厮守，令在場所有人都為之動容，二人亦終成眷屬。
《綠色椅子》講述少婦戀上少男嘅一段忘年戀感情真摯動人又浪漫，畀女仔睇最啱，但係廣大男士亦一樣覺得好睇，因為係男人年輕時都應該有幻想過同成熟大姐姐……除咗故事可取，有韻味又好身材嘅女主角徐情於片中更有忘情床戲，同男主角相擁纏綿，動作逼真到肉，加上寫真式拍攝，令床戲簡直好似日本AV咁好睇，正呀！
撰文：賢