模影模蹤:大久保麻梨子挺胸贏金鐘

所謂唔係猛龍唔過江,好多人都決心去海外搵食。之不過,人在外地實在要面對諸多困難,莫講話搵食,連日生活都可能有問題。當然,只要有勇氣又有充分準備,相信冇問題係解決唔到嘅!好似大久保麻梨子咁,一個日本妹勇闖寶島,一樣可以憑決心取得成功!

F奶小蠻腰

近年好多日本AV女優飛去台灣掘金,前排就有波多野結衣、沖田杏梨、葵司等人,今個月就有奧田咲以及香西咲,後者經已唔只一次到台灣喇。而佢哋到當地除咗參加攝影會,仲會出席成人展,葵司更加參演過電視劇添。不過,班女仔過到去都係短期性質居多,唔似得呢位日本水着妹咁,真係搬到寶島發展演藝事業,呢位就係大久保麻梨子喇!

今年29歲嘅麻梨子愛以清爽嘅及肩短髮示人,凸顯自己活潑開朗嘅氣質。不過,阿妹有時亦會表現出冷艷、憂鬱嘅一面,但係點都好,佢嘅魅力依然能夠迷盡男人。麻梨子美貌吸引,身材更加引死人。阿妹佢胴體纖巧,小蠻腰得22吋咁幼,但係上圍就有34F咁勁!分量十足仲要夠堅挺,真係正正正呀!

成功奪獎

麻梨子於2003年出道,當時被星探發掘拍寫真,後來參加選美活動「Sea Story Audition 2003 探尋沙灘女孩!」嘅時候成功奪冠,令佢人氣瞬間彈起。麻梨子美艷可愛嘅形象更加吸引到跳彈機製造商,將佢招為代言人。阿妹佢喺藝能界發展如意,青春氣質加上極品胴體令佢甚受歡迎,2006年仲被《FLASH》雜誌嘅讀者選為「第一美胸」,之後又參演過唔少電影,包括《官能小說》、《SS-Special Stage》等。不過,可能接觸得電影圈多,令麻梨子一心以演員路線發展,所以就決定脫離水着界,專心拍戲。到2010年,阿妹佢去到台灣作四日三夜旅行,呢次旅行仲令佢生起到台灣發展嘅念頭,後來同事務所嘅負責人傾過之後,終於決心到台灣發展兼且積極學好國語。去到台灣,麻梨子工作不斷,拍廣告、拍寫真又參演電視劇,今年更加憑住演出電視電影《愛情替聲》,成功贏得第48屆金鐘獎迷你劇集/電視電影女配角獎!證明其決心同努力並冇白費!

個人博客

大久保麻梨子頻頻將自己工作情況同生活點滴發布到博客,想緊貼阿妹嘅動向就要Click上去睇喇!

網址:http://ameblo.jp/marilog0907/

大久保麻梨子Profile

年齡:29歲

身高:5呎5吋

三圍:34F-22-33

撰文:賢