日本水着妹拍寫真嘅時候，除咗鍾意去熱情洋溢、水清沙幼嘅沖繩取景，周不時亦會出國去到旅遊勝地峇里又或者係夏威夷，利用當地嘅海灘同如畫風光襯托一身性感泳裝。最近人氣勁升嘅巨乳水着妹亞里沙就唔去上述嘅熱帶地方，反而去到台灣拍寫真DVD。
今年24歲嘅亞里沙樣子清純甜美，一副33F-23-33胴體豐滿誘人，簡直係一位完美佳人。除咗睇得，阿妹口才亦相當了得，出道冇幾耐就被邀請擔任不同活動嘅司儀，亦做過電視節目嘅女主播，前途無可限量。唔知係咪佢知道自己具有實力，所以至夠薑殺過台灣呢？亞里沙最新嘅寫真DVD《FUWA TORO》去到台灣取景，除咗帶大家飽覽當地嘅日間風景以及其火辣胴體，仲會換上充滿中國風嘅旗袍逛夜市，為大家呈現出台灣同亞里沙嘅不同美態。
碟名：《FUWA TORO》
售價：¥3,990（約HK$314）
撰文：小德