《50 Shades of Grey》格雷的五十度陰影，你未睇厭，細佬都寫到爛，但原來脫星界仲未玩夠，繼續放大「食水尾」！今期輪到葡萄牙索女脫星Erica Fontes「抽水」出書發威喇！話實，阿妹喺歐美四仔界都剝咗四、五年，攞過最佳海外脫星，算係葡妹脫星中最起朵一位。於本月初，佢就宣布推出個人自傳，葡文書名《De Corpo e Alma》，英文譯《Of Body and Soul》，先出葡語，年底會有英語版選擇。
Erica不諱言，出書靈感源於《50 Shades of Grey》，皆因佢喺四仔界亦拍過不少性虐題材四仔，同時私底下亦會玩愉虐性愛，因此希望將自己工作及私生活一面，透過文字公諸於世，等大家可以更了解佢「性格」及性虐真正意義！Erica解釋全書係佢第一身經驗，比起小說版嘅《50》更真實喎！鍾意睇索女玩性虐嘅你又點可以錯過呢？