大家知唔知道廣東最出名嘅豆豉，喺邊度出產呢？唔少朋友都答對，就係喺陽江。陽江嘅豆豉出晒名夠香夠味，無論加乜嘢醬汁配料落去，都唔會畀人喧賓奪主，保留獨有嘅豆豉香味。前兩日去咗金池桑拿揼骨，爽完之後返出大廳坐吓，突然聞到一陣豆豉嘅濃香，於是東張西望，發現有人正品嘗一味好普通嘅「豉汁蒸排骨」，一問底下，原來大廚用咗陽江豆豉嚟炮製，難怪咁香，馬上點個試吓，嚟到一打開個蓋，真係豉香撲鼻，加上肉排釋放出嚟嘅豬油香味，真係完美配搭。但最和味嘅唔係啲肉排，而係墊底嘅芋頭，完全索晒豉汁同豬油嘅香味，食一塊就可以送到半碗飯，食咗半碟已經要添飯，你都咪話唔惹味！