呢期本地劇集唔係咁吸引到我，為滿足煲劇癮，近日就轉去睇日劇同韓劇，咁啱畀我發現到一套叫做《職場之神》嘅韓劇幾好睇。該劇除咗劇情之外，吸引到我嘅仲有女主角，南韓知名嘅火辣影后金慧秀！翻查資料，發覺佢曾經拍過唔少情慾片，今日為大家介紹嘅《無顏美女》就係其中之一喇！
《無》片劇情講述由金慧秀飾演嘅姬蘇，深深愛上，甚至係崇拜男友。只可惜，某日男友突然同身為女作家嘅姬蘇話想分手，仲叫佢不如疊埋水心寫小說，等姬蘇可以喺小說當中繼續回味呢段情。姬蘇被飛，即時精神崩潰，終日買醉，當佢知道身懷六甲依然不停咁飲，同時詛咒前男友意外身亡。最後，前男友喺滑雪嘅時候遇上意外身亡，而姬蘇亦流產。一段日子之後，姬蘇結識到現任丈夫，完婚之後亦繼續寫作，只可惜其精神狀態依然唔穩定，寫完本小說之後居然自殺。幸好及時送院拯救，並被安排接受靚仔心理醫生錫權嘅治療。雖然對姬蘇用心治療，可惜都係成效不彰，令佢心灰意冷，仲決定離開醫院。一年之後，二人意外地重遇，錫權仲同姬蘇進行催眠治療，窺探到姬蘇傷痛嘅經歷之後，仲同姬蘇發生真感情。
錫權同姬蘇發生關係之後，更加好似着咗魔咁愛上對方。之不過，姬蘇後來卻因為要跟隨丈夫離開當地，令錫權傷心到想死。姬蘇糾纏於丈夫與情人之間同樣唔好受，終於決定先行一步，臥於火車軌上自殺。錫權知道愛人死去，傷心之餘，仲發覺姬蘇終日徘徊身邊，到底係姬蘇未死，定係錫權自己精神有問題呢？咁就要佢自己至知喇。
本片嘅劇情偏向病態同重口味，相信唔係人人都啱睇，但係金慧秀嘅精彩演繹依然值得細味，佢就係憑本片奪得南韓大鐘獎最佳女主角喇。當然，大家唔好因為劇情而卻步，因為片中仲有好多精彩交歡場面，例如女主角回憶與前男友激烈床戰嘅一幕就逼真又到肉，好似要做到張床都爛埋一樣，加上有金慧秀慾求不滿嘅表情以及豐滿嘅極品豪乳壓陣，一定令大家覺得值回票價！
撰文：賢