轉眼又接近年尾，呢一年要數內地紅得最快嘅模特兒，一定係今日要介紹嘅九十後美女黎悅汐莫屬，事關阿妹讀書時候已經出道，依家影視節目及廣告，瓣瓣都見到佢嘅身影，工作之多，人氣之盛，睇怕都冇乜邊個可以同佢相比！
今年21歲嚟自青島嘅靚女黎悅汐，同其他小女生一樣，自小就喜歡唱歌跳舞，高中畢業之後就一心投考北京電影學院，點知真係畀佢考到，而且成績優異，加上外形討好，所以未畢業已經大把人搵佢工作，入行兩年唔夠，拍過五套電視劇，同五部電影，雖然只係客串性質，但每套都係受人追捧嘅大製作，例如電視劇就有《步步驚心》、《甄嬛傳》等，電影嘅就有《最強囍事》、《四大名捕》、《全城熱戀》等，悅汐雖然只屬小角色，但合作嘅全是重量級人物，令佢信心大增，到自己擔大旗做節目或者拍攝廣告時，就更加得心應手，完全冇難度！
單係廣告代言，悅汐做正女主角嘅就有十幾個，加上十多間雜誌拍攝，有網友話今年喺內地隨手打開一本雜誌，都會見到悅汐嘅身影。大家咪以為悅汐擁有35吋D級無敵上圍，拍親嘅寫真就一定係超性感喎！悅汐嘅寫真作品，裸露唔多，但不失性感，唔似有啲囡囡，係唔係都讓半球示人，有網友歸類悅汐係健康型性感偶像。除咗平面媒體，近年悅汐更做唔少綜藝節目嘅嘉賓同埋出席時尚活動。至於興趣方面，悅汐喜歡瑜伽同埋唱歌，最近就做咗一間瑜伽中心嘅代言，媒體要佢露兩手，真係似模似樣，遲啲仲考慮進軍歌壇，到時可以日日做有興趣嘅事之餘，仲搵埋錢，你就開心啦！
出生地：青島
三圍：35D-24-35
身高：173cm
簡介：黎悅汐雖然走紅，但冇自己嘅官方網站，而且好少貼相出嚟，坊間常見嘅只得兩三輯作品，以下網站算最齊o架啦！
網址：http://www.010model.com/album-view.php?albumid=645
撰文：龍四海