早前網絡上有段短片被瘋傳，內容係一個男仔話搵到個肯同佢食平價快餐嘅女仔，頓時無限感慨，亦相當感恩。其實，小丑叔叔快餐好多女仔都鍾意食吖！肯食唔代表對方好到極點，若然好似富樫亞津沙咁，又靚女又識做家務，仲要刻苦耐勞至係最好！
師傅成日同我講，溝女可以玩玩吓，對象只要樣貌同身材符合要求就得喇。不過，娶老婆就唔同喇，除咗個樣唔可以太失禮，仲要持家有道、肯做家務、照顧細路，最緊要係肯同你同甘共苦。咁高要求？係咪真係有呢種女仔呢？富樫亞津沙正正係其中一位。亞津沙現年22歲，比起好多同齡女仔，面孔生得比較成熟，氣質綺麗、清雅、斯文，睇落好似鄰家嘅和善大姐姐咁親切。身材方面，擁有5呎5吋身高嘅亞津沙，一雙纖巧美腿真係迷死人。阿妹仲同時擁有C-Cup上圍，所以絕對唔係高瘦平，加埋一身雪咁白滑嘅肌膚，賣相簡直係無從挑剔。
富樫亞津沙嘅身材之所以咁苗條，兼且散發出健康氣息，全因佢細細個就已經愛上運動。就讀初中嘅時候，亞津沙就迷上玩軟式網球，更加憑過人實力以及對運動嘅熱誠，而被同學仔選為軟式網球部部長，更曾代表學校參加縣大賽。2007年亞津沙成為Miss雜誌舉辦嘅YS少女學院嘅成員，仲喺選拔賽當中與同期嘅鈴木禮央奈一齊成為雙冠軍。自此，阿妹就活躍於水着界同藝能界，演出不少電視劇同綜藝節目，另外亦參演好多舞台劇，例如《漂流戲劇》、《第一次家庭內大戰 成交的辦法》等等。亞津沙工作投入，備受肯定，而佢亦係一個被公認嘅未來好老婆，原因係阿妹表示過自己嘅興趣係做家務，特別鍾意熨衫，另外亦喜歡園藝。再者，亞津沙佢刻苦耐勞，每朝都堅持做晨運，而且曾經為咗達到減肥目標而三日唔食唔瞓，嘩！咁嘅女仔真係娶得過呀！
富樫亞津沙幾乎每日都會將自己去過邊度玩，去邊度工作時所拍低嘅照片上載到博客，想了解阿妹嘅日常生活，就唔好錯過，多啲Click入佢個博客睇喇。
網址：http://ameblo.jp/togashi-azusa
年齡：22歲
身高：5呎5吋
三圍：33C-23-33
撰文：賢