早前講到澳門青樓有三大禁忌，今日就講埋第二條禁忌，就係「記錯棋譜行錯子」。呢度講嘅棋譜同棋子，並唔係指真正嘅象棋同棋譜，而係指囡囡對客人嘅策略。大家有所不知，青樓唔係直接提供性服務嘅地方，客人嚟找小姐，小姐有權唔見，就算見面亦未必入到房，入到房食埋飯，但都未必上到床，因為小姐們要吊起嚟賣。客人第一二次嚟只能禮貌交談，敬酒一杯，小姐就會離開；第三、四次嚟至可入廳設宴，把酒談心，但冇嚟得十次八次，都唔能夠上到小姐嘅大床。而呢個過程，小姐要拿捏得好準確，時冷時熱、時鬆時緊，佢哋就稱為「擺譜」。每個囡囡都會照住心中的「棋譜」布置，但由於客人眾多，有時難免記錯，嚟咗兩三次就畀客人入到花廳。客人嘗到甜頭再嚟都好，萬一唔嚟捧場，就會賺少好多，所以囡囡嘅「擺譜」絕不能錯，行錯一子就會冇得返轉頭，亦因關係重大，被視為三大禁忌之一。