所謂兄弟同心，其利斷金，今次有對兄弟就齊心勇闖澳門嬌比，同大家跳番鑊甘。佢哋近期活動多多，請來世界不同國家嘅DJ組合，以及名歌手到澳門獻技，令一眾熱中夜間娛樂嘅朋友樂而忘返，更加深對外國DJ界嘅認識。裝修時尚又瑰麗豪華嘅嬌比為大家呈獻DJ騷，今次就請到來自荷蘭嘅兄弟檔DJ組合Showtek，於11月23日星期六進行現場表演。Showtek由Wouter同Sjoerd Janssen兩兄弟喺2001年組成，二人嘅音樂才華備受肯定，創作出嘅電子音樂舞曲更被認為充滿澎湃熱情同動感，可謂實力非凡，堪稱近年最炙手可熱嘅DJ組合。Showtek嘅現場表演亦同樣矚目，每次都以其拿手電子舞曲引爆現場氣氛，今次佢哋難得到訪澳門，一定令參加者沉醉於勁歌熱舞當中。