係咪男人都鍾意靚女？未必！有男人卻鍾情汽車之餘，更係只會同汽車「曳曳」。佢就係美國華盛頓州嘅63歲男子Edward Smith。據講呢位患有「戀機械癖」嘅男士，喺呢48年間擁有超過1,000名「性伴侶」，而當中只有一個係人類！不過講到佢最愛嘅卻係一架古董甲蟲車，不但替呢位另類愛人兼性伴改名做Vanilla，最近更作出承諾，會視佢為「終身伴侶」，永遠對佢一心一意。Edward透露，多年嚟佢經常背住Vanilla喺外面偷食，而對象分別有飛機、火車等，仲話同一架貝爾222型直升機嚟個另類「快餐」添！
撰文：魂
早前北京舉行第32屆馬拉松，吸引三萬名長跑好手參加，但大家比較留意嘅就係大會安排嘅流動廁所不足，搞到「尿流成河淹大街」嘅場面，同時，有網友投訴話三萬名參賽者，每人跑完都有一份紀念品，但最後竟出現唔夠派嘅情況。唯一被網友接受嘅就係，有好多Cospaly人物出現，佢哋扮相古靈精怪，亦有打扮成動漫人物博人一笑。而最吸引嘅地方，就係有不少美女作性感打扮，要佢哋長跑當然冇可能，所以大多參與4.2公里嘅迷你跑，吸引不少途人圍觀，成為特色之一。
撰文：小德
第11屆中國國際網絡文化博覽會（網博會）早前喺北京舉行，佢同上海嘅Chinajoy遊戲展，可以話係網絡界嘅兩大盛事，遊戲生產商當然希望吸引玩家視線，而最有效果嘅方法就係美人計。據講中外網絡遊戲公司就有幾百間參展，大公司派出數十美女，小公司都派十個八個，可想而知，現場單係美少女就過千人，網友同龍友就最開心。不得不讚吓參展單位，佢哋唔只派美少女站台唱歌跳舞，更會挑選人靚身材好嘅美女做代言，不少性感度爆晒燈。除咗代言人同站台騷女郎外，連工作人員都係帥哥美女，去到現場自己都年輕埋一份呀！
撰文：小德
南京有間書店最近提倡「裸體閱讀」，意思係把書籍嘅內容全部讀晒，定係唔着衫睇書，就真係唔知道，因為書局故作神秘，要大家對主題反思一下喎，但佢哋嘅宣傳海報就十分大膽同出位，因為喺書局嘅當眼處貼上裸體美女海報，每張內容都同書籍有關，有人坐下睇書，有人喺書架前揀書，而重要部分就剛好被書擋住，你都咪話唔搶眼。但網友入到去，發現全場書迷只聚精會神喺書本上，特別留意啲宅男，每人反應都十分正常，看看照片後再注意廣告字眼，看完就專注番自己嘅書籍，證明讀得書多，真係人格都高尚啲呀！
撰文：小德