日本AV界最鍾意就係抽水，一見到有女藝人大紅大紫，就即刻搵個A貨嚟拍AV。近年被AV界抽水抽得最多嘅一定就係AKB48喇，無論係三仔界定係四仔界都係咁搵女優扮AKB48成員拍片，而當中嘅女優連衣着同打扮都學到十足十之外，更學埋佢哋咁又唱又跳，正牌貨肯定畀佢哋吹脹。最近，AKB48成員峯岸南又畀AV界抽水，話說峯岸南早前被傳媒踢爆違反事務所規則，去咗男仔屋企過夜，因而被貶為預備組成員，南妹後來就剃光頭以示反省，及後嘅演出以超短髮示人。由於事件甚受注目，AV廠Rookie就即刻搵來女優森川光拍咗一套叫做《超激似 反省》嘅AV作品，光妹的確同南妹有九成似，仲話會用肉體嚟安慰歌迷，嘩！呢鋪真係水塘都畀佢抽乾！