如果一個女孩子被形容為「千面女郎」，真係唔知係讚佢定係貶佢，但如果對方係個模特兒，咁就另作別論，好似今日要介紹嘅韓國美女，佢就被網友封為千面女郎，事關佢形象百變而且深入民心，佢就係李星華！
出生於1986年嘅李星華，入行都有一段日子，最初係拉朋友衫尾，柴娃娃走去做賽車女郎，但早期嘅星華樣子一般，而且有少少孩子肥，所以形象未見突出。星華確定入呢一行後，就積極瘦身，而且主動向龍友示好，只要一見有鏡頭對住自己，就會表情多多，就算扮鬼臉都唔介意，所以早期有「鬼臉天使」之稱。隨着人氣不斷攀升，除咗做賽車女郎外，仲接拍咗不少平面廣告，之後更被車商邀請做埋車展模特兒。據資料顯示，佢曾經喺內地嘅車展亮相，同內地童顏巨乳嘅車模交過手，而且深得網友歡迎，實力自然不可輕視。
李星華喺2009年開始，更被內地網友封為韓國十大車模之一，之後除咗喺各大車展見到佢嘅身影外，當地嘅電玩展、動漫展同埋電訊展等，都一定見得到佢身影，每次都會有一個新形象示人，一時扮殺手、一時扮仙女，由於每個造型都深入民心，自此有「千面女郎」嘅稱號，加上近年拍埋電視廣告，形象更殺埋入屋，人氣可以話一時無兩，而翻睇星華嘅照片，有時佢十分成熟，但有時就青春逼人，真係估佢唔到，但更估唔到嘅係佢心口對34吋大饅頭，有時會變成雞球大包，將事業線逼得既深且長，令人噴血！
簡介：呢個網頁裏面收錄咗幾百張李星華嘅精彩寫真，由剛出道充滿青澀味道至今日女人味四溢嘅照片都有，值得粉絲們一看再看。
網址：http://myfavorites.jonai.net/Korean/Lee_Sung-Hwa/index.html
出生地：南韓
三圍：34-25-35
身高：173cm
撰文：龍四海