最近有外國網站搞咗個內衣美女選舉，年滿18歲或以上嘅囡囡可以將自己嘅內衣照放上網，然後由網民投票，勝出者就可以成為內衣大使，好威水！
公投內衣美女選舉，小弟認為係全宇宙最爆嘅選美活動，係男人都應該盡責任投票！是次活動由網站Hot Panties發起，呢個網站主要介紹世界索模嘅靚靚性感內衣寫真，以及全球囡囡走光艷照，絕不含裸露成分，今次佢拉攏全球最性感嘅廣告網站「Juicy Ads」合作搞個「The Lingerie Girl 2013」選舉，凡年滿18歲女性就可以參加，將最靚、最誘人嘅性感內衣照放上網站（www.hotpanties.org）即可。至於想投票嘅網友，則可登入facebook粉絲網頁（https://www.facebook.com/pages/Hot-Panties-HotPantiesorg/431131796898609），截止日期為11月3日，得獎名單將於11月7日於網上公布。
直至截稿當日，報稱美國妹嘅Kendria Godair暫時以450票領先，細佬即刻起佢底，阿妹今年25歲，身高5呎細細粒，三圍有34D-26-36，集Model、歌手兼藝人於一身，曾為一本著名男士雜誌拍過寫真，大有來頭o架！而其他參賽囡囡來自五湖四海，脫星脫模素人娘乜都有。雖然贏咗冠軍冇獎金，之但係可成為內衣大使，除咗幫手做宣傳工作，仲可以喺廣告網站「Juicy Ads」當廣告女郎，以及成為網絡雜誌《The Lingerie Girls》 嘅封面女郎，而頭15名票數最高嘅囡囡，可以拍攝2014年曆「The Lingerie Girls 2014 Calendar」，嘩！有網站瞓身谷宣傳，真係想唔紅都幾難啦！
撰文：祖