以前嘅萬聖節係一班小朋友扮鬼扮馬周圍敲門問人攞糖嘅日子，時至今日唔單止小朋友有得玩，大朋友亦會扮鬼扮馬狂歡一晚！澳門嘅萬聖節派對好多，而Club Cubic嘅萬聖節狂歡派對更係人氣極高！事關佢每年不但喺舞台花盡心思，仲會搵嚟一班人氣DJ，以激烈嘅節拍令一眾嘩鬼玩家熱烈狂歡之餘，現場更有鬼咁嚇人扮相嘅工作人員熱鬧助興，氣氛叫人難忘。今年名為「Halloween Party : The Vanished Danasty」嘅嘩鬼派對仲會大玩神秘感，暫時只知道當晚會請嚟著名DJ Sesco、DJ Atl、Dj Spyzitrix等嚟獻技，至於其他詳情睇嚟要入場至知道喇！