老婆明知老公去滾不當一回事，只要滾完之後仲識返屋企，自己依然係贏家，大家依然有愛存在。不過，若然係老婆出軌，老公又可唔可以保持呢個諗法，到最後依然深愛老婆呢？《少婦的誘惑》當中嘅老公，就係面對呢種苦惱。
《少婦的誘惑》當中嘅女主角戴安娜，出自意大利嘅名門世家，有氣質又美艷動人，最重要係身材極佳，娶到佢做老婆真係三生有幸。之不過，與戴安娜結婚五年嘅帕羅有特殊癖好，就係要見到老婆畀其他男人溝，以及同男人調情至能夠硬朗起嚟，而呢點就一直令戴安娜好痛苦，因為自己有教養，知道出軌於禮不合，但係老公又偏偏希望自己咁做。某次舞會上，戴安娜巧遇同鄉阿方斯，對方見到呢位少婦風騷誘人，身材豐滿，好似螞蟻見到蜜糖咁衝埋去調情一番，而呢個時候帕羅一直睇住。舞會完結，帕羅嘅慾火終於爆發，同戴安娜激玩車震。後來，戴安娜鄉下一位親戚去世，遺下一間屋畀佢，於是佢就返鄉下處理。呢個時候，佢就突然想起阿方斯，於是就借頭借路叫對方上嚟畀意見，睇吓間屋點處置，期間二人終於發生關係。
返到屋企戴安娜就將上床嘅情況坦然相告，諗住刺激起老公嘅性趣，點知老公見到戴安娜頸上嘅咖喱雞即怒火中燒，摑咗佢兩巴之後就憤然離去。知道自己做錯事嘅戴安娜返到去工作嘅服裝店，得到老闆悉心安慰，稍稍感到釋懷，而呢個時候，帕羅駕車接戴安娜放工，原來帕羅思前想後都係深愛安娜，亦知道錯在自己癖好特殊，最後二人冰釋前嫌，和好如初。
本作由意大利色情大帝丁度巴拉斯執導，一如以往，佢起用嘅女主角，飾演戴安娜嘅Claudia Koll都係擁有豐滿肥臀嘅美人，而佢每次裸露都會配上火辣而美艷嘅衣着，加強視覺誘惑。另外，女主角欲拒還迎嘅表情、挑逗無比嘅眼神以及與男角細心又緩慢嘅調情手法，反映出兩者都享受過程，令觀眾亦同樣用眼睛享受此時此刻。
撰文：賢