韓國嘅模特兒個個都靚到天仙咁樣，身材高挑，玲瓏浮凸更係唔使講，有人話佢哋只得個樣，內裏未必有料，其實不少都係真材實料，好似今日要介紹嘅黃佳希，佢除咗人靚身材好外，仲係戲劇學院嘅畢業生添！
今年28歲嘅黃佳希，係韓國當今最紅嘅模特兒，拍攝過不少廣告，粉絲人數多不勝數。佳希除咗人靚身材好之外，學歷亦不俗，佢喺南韓嘅中央大學戲劇學院畢業，呢間大學等同內地嘅中央戲劇學院，除咗好難考入之外，仲係南韓影視明星嘅搖籃，例如金喜善、李炳憲、張娜拉等巨星都係該校嘅畢業生。佳希嘅實力不容忽視，佢喺08年演出過大型舞台劇，多年來仲幫過唔少韓國歌星拍MV添，所以論演出經驗，喺模特兒中絕對首屈一指，亦因為演出經驗豐富，所以有助佳希喺模特兒界發展，經過近十年嘅努力，已經成為當地炙手可熱嘅模特兒。
佳希未畢業就已經出道，資料顯示佢19歲就喺首爾車展上亮相，憑其清秀外表一鳴驚人，之後就成為車展常客，亦因此做埋賽車女郎。佳希樣子可愛，表情豐富，對鏡頭十分敏感，只要佢面對鏡頭，就會擺出可人笑臉或迷人姿態，深得龍友讚賞，所以喺佢嘅相片集中，八成都係車展同車場上嘅照片。由於有大量照片上載網絡，加上佳希身材火辣，經常展露出東西半球或者既深且長嘅事業線，亦令人氣於短時間內大大提升，講到尾呢啲咪叫做有料有實力囉！
簡介：呢個網站收藏咗不少黃佳希嘅照片，車模相最多，亦都係最精彩嘅，其他硬照亦不俗，單睇事業線都值回票價！
網址：http://myfavorites.jonai.net/Korean/Hwang_Ga-Hi/index.html
出生地：南韓
三 圍：35-24-35
身 高：172cm
撰文：龍四海