美國四仔界「大家姐」Lisa Ann老當益壯，將近50歲仍未言退，最近仲踩過界，靠把聲搵食添！呢期全球最Hit遊戲《Grand Theft Auto V》（GTA V）睇怕大家喺屋企煲緊，但你哋有冇留意，有把女聲好鬼熟呢？據成人新聞網站表示，原來係由Lisa姐配音，當事人喺專屬網站都有承認，但就未有詳細交代係邊個女角色，唔通佢想大家搵佢出嚟？
而Lisa姐就對傳媒話可以透過另一層面同各界接觸感到興奮，希望將來可以同更多不同媒介合作。Lisa姐真係謙，其實佢依家逢星期一晚上10點喺一個「有味」欖球頻道做節目主持，講波兼晒波，真係想見唔到佢同聽唔到佢把聲都難啦！
撰文：祖