AV達人：女優齊瞓身 鹹T誘慈心

天后坐鎮

日本AV界搵錢有好多方法，除咗推出AV碟之外，仲會出埋情趣玩具、女優寫真集，甚至將女優着過嘅原汁原味內衣放上網畀AV迷競投。據聞呢類二手內衣，閒閒哋都可以賣得幾萬日圓。如果你都想擁有一件AV女優衣物，同時又可以做善事的話，不妨支持呢個Ribbon in Our Heart Project（下簡稱ROHP）嘅活動喇！

呢個活動乃係由日本紅絲帶基金聯合日本北都集團旗下嘅三大AV廠S1、Moodyz以及IdeaPocket主辦，紅絲帶係一個關懷愛滋病嘅基金，所以是次活動主要係宣揚預防愛滋病同關懷有關病患者嘅訊息。由於別具意義，所以三大AV廠出動12位人氣超強嘅天后級AV女優撐場，包括吉澤明步、明日花綺羅、霞果穗、小澤瑪莉亞、佐山愛、星美梨香、花蕾、大槻響、佐藤遙希、里美由莉亞、初音美野里以及希志愛奈。

火辣寫真

呢班AV女優會幫基金做宣傳同籌款，早前佢哋就瞓身拍攝一系列性感又火辣嘅寫真，當中有全裸亦有半裸，將之印到白色T恤上面以作籌款用途，每件售6,300日圓，約500港元。雖然係貴咗少少，不過家陣一件潮流T恤閒閒哋賣千幾二千蚊，着呢件女優T恤上身又夠潮又可以將偶像掛喺心口，最重要就係可以做到善事，五舊水真係抵到爛啦！如果大家想訂購T恤以及得知ROHP嘅詳情的話，可以Click上http://red-ribbon.jp。

另外，12月１日明日花綺羅會率領5位女優舉行握手會兼派紀念品，不過想同佢哋握手及合照就要先訂購T恤，先到先得。

撰文：賢