正所謂「薑愈老愈辣」，喺各地嘅模特兒界，絕對係金科玉律，好似喺韓國，你出道冇浸番三五七年，想紅都幾難，今日介紹嘅韓國一級模特兒，出道十年，但都係近兩三年至爆紅，佢就係車善華。
今年29歲嘅車善華，畢業後就入行，起初同其他囡囡一樣，拍啲年輕潮服同飾物等硬照，由於樣子甜美可人，所以深受廠商歡迎，工作不斷，但一直咁落去，始終唔係辦法，於是幾年後就豁出去，走前衞大膽路線，一改乖乖女形象。由於善華擁有40吋長腿，着迷你裙或者熱褲時，令唔少宅男眼前一亮，之後更封佢為「長腿姐姐」，而善華有一本寫真集，就以長腿為賣點嘞！之後善華接受新挑戰，加入賽車女郎行列，講真超過25歲至入行，情況唔算例外，但要紅就要加倍努力，好在善華認識咗大批龍友，每逢有佢出席嘅活動，就有龍友撐場，令佢不斷曝光。
其實賽車女郎工作好辛苦，因為每次活動完畢才有時間畀你去場邊拍照，而善華每次工作之後，就會應龍友邀請去場邊拍照，一拍唔係拍一兩個，而係十個八個，逐一滿足晒要求之後，你都咪話唔辛苦。但就因為有大批龍友拍照，所以佢嘅照片就不斷喺網上瘋傳，廣告商知道你人氣高企，就會搵你拍廣告同代言，自此善華終於殺出一條血路，轉眼成為炙手可熱嘅模特兒。此後善華嘅性感照愈拍愈多，愈拍愈大膽，咪以為善華上圍只得34吋，但喺佢對魔術手幫助底下，經常做出意想不到嘅驚人效果，唔少宅男為佢鼻血長流呀！
簡介：車善華一直都比較低調，所以較少人認識，但近年頻頻曝光，不少網站都有收集佢嘅照片，以下係其中一個，最正係有埋佢最新消息。
網址：http://baike.baidu.com/view/6805169.htm
出生地：南韓
三圍：34-23-34
身高：168cm
撰文：龍四海