女僕一般都係可愛又溫馴，對主人惟命是從，所以無論係宅男定係普通男人都咁鍾意。之不過，咁乖嘅女僕亦有其個人情感，若然處理不當分分鐘會由愛變恨，甚至做出激烈行動反抗，韓國情色電影《下女》嘅結局就係一場悲劇喇。
《下女》講述由韓國知名實力派女星全度妍飾演嘅婦人恩伊，要搵錢養家。恩伊去到一個豪門做女僕，呢個富豪家族成員包括風度翩翩又英俊健碩嘅男主人阿勛、大住肚嘅女主人海拉及二人嘅女兒、海拉個阿媽以及老女人管家。恩伊相當純情，原本打算安安分分喺豪門做女僕，但係男主人表面上一表正經，不過一到夜晚就成日喺恩伊門口行過，希望恩伊留意。後來，阿勛仲向恩伊百般挑逗，令心如鹿撞嘅恩伊打開情感大門，同男主人發生關係。經過二人多次翻雲覆雨之後，恩伊意外懷孕。而得知此事嘅女管家對恩伊就百般容忍，實際上就向女主人海拉打小報告。
海拉知道之後忍住唔出聲，但係同阿媽商量過之後，都覺得唔能夠畀恩伊進入家門，以免影響到佢哋嘅地位以及未來分家產嘅機會。於是二人暗算恩伊，令佢做家務嘅時候受傷，之後仲落藥導致流產。恩伊留院嘅時候覺得自己慘被百般虐待，實在氣憤又心痛，決定向豪門報復，方法就係當住佢哋成家人面前引火自焚，令佢哋心裏面留下不能磨滅嘅心理陰影！《下女》當中嘅情節充滿人性陰暗面，睇落都幾似韓國宮廷劇。當然，觀眾睇呢部戲就梗唔係睇呢樣嘢啦，本作情慾場面夠激夠逼真，全裸演出嘅全度妍反應十足，鶯鶯嘅叫聲、又羞愧又享受嘅表情，加上淫穢露骨嘅對白，令男士睇到咬牙切齒。另外，當中全度妍仲有一場為男人口爆場面，激烈程度實在係亞洲情色片中少見。
撰文：賢