以前大家會入戲院睇鹹片，不過家陣專放鹹片嘅戲院已經冇晒，喜歡喺大銀幕睇鹹片朋友自然感到好無癮。最近，日本就有鹹片戲院橫空出世，正係知名AV廠SOD嘅SOD學園改裝而成。
小弟早前於本欄曾經介紹過日本大型AV集團SOD旗下嘅SOD學園，位於東京都中野區，原本係SOD專門用以拍攝學園AV作品嘅片場，入面有課室、保健室、體育室等學校應有嘅設施。後來，SOD就將之改變用途，開放畀人租用嚟開派對、音樂會、試片會等，SOD則提供埋管理服務配套。
最近SOD又有新搞作，喺SOD學園舉辦一個叫做「只能在這裏看到！在SOD學園很好的……」活動，逢星期三晚上8點至11點，以120吋超大銀幕播放經典AV作品，即係話SOD學園由拍攝場地變身成為鹹片戲院！據講頭一次放映嘅AV係《全裸交響樂團》，呢部係2002年作品，創意滿瀉，搵來交響樂團女成員齊齊剝衫演奏，相信睇過嘅朋友必定留下深刻印象。
SOD表示活動將會放映更多由1996年至2003年期間推出嘅經典作品，呢批作品好多都係絕版，日本人稱之為「廢盤」，有錢都買唔到o架！據講由於呢啲作品係不惜工本嘅大製作，差不多每部都收唔番成本，而且SOD講明唔會翻拍，所以彌足珍貴，仲話全部都係「勃起必至」之作，即係必定睇到男人「舉旗致敬」！該活動需要收入場費，男士每位1,000日圓，女士則免費入場，相信好多男士會帶埋女伴一齊去睇。此外，SOD提供埋餐飲服務，畀觀眾一邊睇AV一邊開餐，十分體貼，我都好想參加呀！
撰文：賢