近年有啲新品種青瓜，細細兜，據講係溫室培植，至於呢啲青瓜有乜營養，有乜食療價值，我真係唔知道，但就知道佢特別清甜爽脆，唔係好多地方買得到，所以好恨有機會食到，點知就畀我喺澳門大富豪桑拿發現到。大廚真係有心思，將呢啲青瓜配蝦仁清炒，據講蝦仁係嚟自越南，新鮮捕獲後就即時急凍，所以蝦仁鮮味得以保持，解凍後配埋切片溫室青瓜落鑊快炒，食落鮮甜味美，感覺獨特，喜歡清淡嘅朋友，絕對係首選。唔知係咪青瓜貴過蝦仁，所以成碟蝦仁有十幾隻，但青瓜片則十塊唔到，大家可以估計到青瓜有幾矜貴。只要係桑拿嘅客人，廿八蚊就有交易，絕對係超值呀！