做戲做戲，戲係做畀人睇嘅，所以大家眼睇有幾真實都好，都千祈唔好盡信。雖然係咁，世界上咁多情色電影當中，卻有唔少係假戲真做，好似經典中嘅經典《深喉》以及《情慾九歌》，男女主角真係瞓身肉搏冇借位。傳聞中，丹麥情色片《安娜情慾史》亦係一樣。
《安》片故事講述事業剛起步嘅貌美女仔安娜，自覺感情生活極度美滿，全因其男友約克唔單只英俊又健壯，仲帶畀佢無限生活情趣，更可以滿足到安娜嘅性需要。之不過，約克為咗工作而遠赴北極，同安娜分隔兩地卻一直冇半點消息，令安娜漸漸心淡，繼而終日飲酒作樂，甚至同其他男人上床解悶。某次，安娜又飲到爛醉如泥，仲同一個叫做法蘭克嘅男仔發生一夜情。第二朝安娜醒過嚟，喺法蘭克細心嘅照顧之下瞬間融化，二人就咁開始拍拖及同居。某日，安娜屋企嘅門鐘響起，原來係搬運家具嘅工人送貨上門，呢個工人原來係約克！約克離開後，安娜內心不斷掙扎，決定唔再同法蘭克同居，轉而將房間租畀一個叫做卡美拉嘅中女，原因係唔想再同法蘭克太親近。及後，安娜同法蘭克一齊參加派對，又遇到約克，就喺約克想同安娜重修舊好之際，法蘭克就上前同安娜親吻仲打得火熱，令約克心灰而離去。
轉輾之間，安娜從巴黎工作完返屋企，點知見到約克同卡美拉上床。傷心之下，安娜搵法蘭克慰藉，之但係對方加以拒絕，表示知道安娜心中仲係鍾意約克，叫佢搵約克講清楚。安娜折返屋企，卡美拉解釋其實係佢要求約克同床，以慰多年冇男人陪伴嘅寂寥，彼此完全冇做過任何事。安娜清楚一切之後，去到大家成日去嘅老地方，終於搵到約克，有情人終成眷屬。
本作將感情線拍得相當多元化，令故事性大大增強，加上不少男女主角相處嘅畫面都甚具浪漫詩意，當愛情片睇亦係一流。不過，最重要就係情慾場面拍得激情四射，原因除咗女主角Gry Bay青春逼人又嫩口，同男主角於廚房、床上激戰嘅時候更加互動性十足，見佢玉手係咁套弄男主角嘅長物，此畫面就已經超越好多情色片嘅尺度極限喇！再者，Gry Bay同男角交歡嘅場面疑似假戲真做，令電影嘅激情度提升至最高點！
撰文：賢