廣東一帶流行以蒸法進行烹調，而當中嘅沙薑雞更係唔少人嘅至愛，事關蒸出嚟嘅雞既保持雞肉原味，加上惹味沙薑，實在令人回味無窮，好似呢道雞味滿瀉嘅沙薑雞，絕對做到呢點！據師傅講，佢哋先將雞隻洗乾淨，索乾水後將鹽同沙薑粉喺雞身上搽勻，跟住再加上料酒醃半日，最後喺雞肚內放入薑片同葱，然後放入煲內以大火蒸熟，師傅話最重要就係熄火前再焗多一陣，雞肉就會吸收晒所有嘅味道，稍為攤凍後就可以斬件，並淋上以蒸雞汁特製嘅醬汁上碟。雖然冇問師傅隻雞係咪走地雞，但入口雞味十足之餘，而特製雞汁更係有畫龍點睛之效，絕對值得一試！