有女仔話男人最衰就係鍾意做愛而唔鍾意談情說愛，事實上有唔少男人同我一樣咁重愛多於性，亦有好多女人爛玩過男人，甚至比男人更鍾意上床享受性愛之樂，加拿大情慾片《愛我別走》當中嘅女主角就係呢種色慾女喇！
現代男女關係很隨便，縱情酒色，雙方一見面打個招呼，下一步就去開房上床。而《愛我別走》（Lie with Me）就係講呢類男女嘅故事，講述女主角蘿拉恃住年輕貌美，四圍去亂搞男女關係，平日溝男上床當食飯。有一日，蘿拉喺一個聚會中遇上男主角大衞，雖然佢對呢位英俊不羈嘅靚仔相當有興趣，不過佢當時溝緊另一個男仔，所以冇進一步行動。之後蘿拉同個男仔走到室外親熱嘅時候，竟見到大衞喺車廂內同女子親熱，此時，兩人都知道大家都係好性玩家。
後來，蘿拉再次遇上大衞，兩人一拍即合，無論喺屋企張床、客廳，甚至公園都變成佢哋嘅戰場。二人從不斷交鋒當中漸生情愫，但係蘿拉唔想畀感情束縛，於是選擇離開大衞，繼續享受單身自由。最後，蘿拉喺表姐嘅婚禮中重遇大衞，呢一刻雙方都發覺彼此一直思念對方，終於有情人終成眷屬。
《愛》片雖然係一部情慾片，但係拍攝手法講究，將觀眾帶入蘿拉嘅情慾世界當中，而蘿拉本身嫩口又姣到出汁，身材Fit到漏，同男主角上床肉搏激情又澎湃，砌到嘭嘭聲，充分表現出年輕人嘅活力，激烈程度令人咋舌，好睇！
撰文：賢