內地模特兒好多都身材豐滿，而且肯搏肯露，剝光豬亦冇問題；然而，冇激凸上圍兼且衣着密實嘅囡囡，係咪代表冇運行呢？今日就介紹一個唔靠身材走紅嘅靚女模特兒畀大家認識，佢名叫毛小兔！
嚟自江蘇江鎮嘅毛小兔，入行前曾做過網拍模特兒，有時仲玩埋Cosplay，喺網絡界已薄有名氣。至於佢嘅專業，大家一定估佢唔到，原來阿妹畢業於江蘇食品職業技術學院，唔知係咪學整江南菜呢？係嘅話做佢男友或老公就有口福啦！
今年25歲嘅毛小兔，樣子清秀可人，加埋一張Baby Face，令外表睇落似一個16、17歲嘅美少女，因而吸引唔少少女服裝嘅廠商搵佢做模特兒，同時喺網上亦見到佢好多穿着少女服嘅寫真，阿妹廿幾歲仍然可以成功扮少女，喺業界比較罕有，難怪咁受歡迎。至於入行已有一段日子嘅小兔，未有諗過轉型行性感。
小弟上網睇過小兔嘅相冊，發現佢曾經拍過兩輯睡衣寫真，可惜全部都係密實少女睡衣款式，毫無性感可言。阿妹喺微博表示，由於自己身材唔好，所以無謂性感！雖然小兔嘅上圍僅得32吋，係就係冇乜睇頭，之但係佢喺模特兒界十分吃香，發展得不俗，除咗成為內地知名購物網嘅御用模特兒外，又做埋動漫女神，扮演過不少動漫遊戲嘅角色，此外更擔任過唔少綜藝節目嘅客席主持及嘉賓，由於外貌討好，加上口齒伶俐，令觀眾十分受落，據知有電視台正打佢主意，邀請佢參與劇集演出，到時大家除咗喺網上見到小兔嘅寫真外，亦可以睇到佢嘅精湛演出喇！
出生地：江蘇江鎮
三圍：32-24-35
身高：167cm
簡介：毛小兔有多個私人網站，每一個都放咗唔少靚靚寫真畀大家欣賞，不過以呢個專屬網站嘅藏相量最多，所以粉絲們一定唔可以錯過呀！
網址：www.moko.cc/yanz
撰文：龍四海