這晚在澳門夜總會，幾個等拍照的女孩圍住玩自拍，其中一位看起來分外清清秀秀的，似乎成為了她們的圍攻對象，八卦一聽，原來這位叫C的女郎早前遇到一個老細，被包下來之後休戰了一輪，直至最近才復出夜生活場所，「怎麼這麼快就出來了？不多休息一會？」其中一位小姐問C，C卻一直笑而不答，大夥就這樣一直拉拉扯扯，鬧笑喧嘩起來。
後來我當然要問一問媽咪，最近這種包養囡囡的情況如何？「其實時不時都有發生，我哋依家呢邊做好多賭廳客的生意，當中有賭客啦，仲有啲係廳主，佢哋隨時一晚上落七位數字，包個女短期陪自己，所花無幾喎，對佢哋嚟講真係濕濕碎。」她告訴我，這些客通常都是短包為主，長則三兩個月，短的由三幾日到一星期都有，「一般都係陪吓去旅遊，依家啲人使錢好精明嘅，出去玩幾日唔使上身，連租樓費用都慳番。」
當然，時移勢易，當下願意花錢包女的，內地客肯定佔了大多數。「夜總會面對咁情形，梗係唔高興，畢竟少咗件貨，但呢樣嘢，又真係無法子解決。」
撰文：黄韋龍