波士頓有個19歲嘅女生，就讀當地大學，主修電影專業，照計讀電影唔應該會悶，但呢位女生就話悶極，仲用行動嚟證明，就係喺自己大髀上面畫畫，佢每日會畫一至兩幅，之後就放上網。為咗證明佢喺堂上畫，所以每幅畫嘅時間只需40至45分鐘，但網友見到佢嘅作品，無不驚訝萬分，因為實在太逼真，無論係人像定係動物，每幅都維妙維肖，好快就有插畫師力邀佢參與工作，但女生婉拒，話自己只喜歡電影，唔想做插畫師。有網友就話佢只會用大腿嚟做畫板，換轉喺其他地方就會變得冇料到，但呢層可以否定，因為佢嘅網頁上有好多喺畫簿上所畫嘅作品，所以喺任何地方都難佢唔倒。