英國有位37歲嘅應召女郎，由於樣靚身材好，佢嘅服務費係以千七港元時薪計，月薪閒閒哋有六七萬元，本來一直好好哋，但今年5月被佢老竇發現從事呢行，揚言要同佢斷絕父女關係，一般電視劇橋段，你要斷絕咪斷絕囉！但原來佢老竇係位有爵士頭銜嘅大人物，而佢係長女，有權繼承爵位同埋接收一座位於蘇格蘭嘅古堡，女兒於是採取法律行動，誓要捍衞自己嘅繼承權。有網友話如果佢老竇兩腳一伸，佢咪係擁有爵士頭銜嘅應召女郎，到時唔知會唔會升價百倍呢？有啲網友更話一於將古堡變做妓院，之後收納一班靚女嚟做女僕，而自己就做爵士媽媽生，真係愈講愈誇張，最後希望佢捍衞成功，但再做唔做落去，就要自己諗啦！