日前為大家介紹過由擁有「亞洲第一美胸」稱號嘅楊思敏主演嘅經典情色片《新金瓶梅》，其實除咗《金瓶梅》以及《肉蒲團》之外，仲有另一部經典之作不時被改編為情色片，就係《聊齋誌異》喇，由佢改編而成嘅《聊齋艷譚》亦係經典級嘅本地情色片。
有睇過《聊齋誌異》嘅朋友都知道小說主打神神怪怪劇情，不過出現嘅妖魔鬼怪雖然唔係人，行為有時仲偏離正道，但係內心卻比好多人都純良，結局更加係由佢哋幫手除魔衞道，而《聊齋艷譚》當中嘅狐狸精姊妹最後就係聯手消滅邪魔喇。《聊》故事講述有三隻狐狸精已經修煉千年，化為人身，分別係大姐素素（由文素飾演）、二姐花花（由「波霸」葉子楣飾演）以及三妹菲菲（由日本女優工藤瞳飾演）。三姊妹一邊喺人間生活，一邊繼續修煉。某一日，菲菲就遇上秀才吳明（單立文飾演），被其俊秀樣貌同才華所吸引，於是就膽粗粗走到吳明屋企示愛，點知撞正吳明沖涼，菲菲仲被指偷窺，繼而被吳明鬧走。二姐花花知道之後就去搵吳明理論，而吳明為趕佢走於是向花花潑水，令其波霸身材若隱若現，搞到吳明即時起心，於是向花花百般挑逗，終被吳明征服。
之後，迷戀吳明嘅菲菲以及想探知人間情慾嘅大姐素素都先後失身畀吳明。之不過，後來佢哋發現吳明原來唔係普通人，真正身份係專靠吸取女人精元修煉嘅五通神魔。三人淫性難改，逃不過五通神魔嘅誘惑，最後得一名老道士幫助，才成功將五通神魔消滅，總算為民除害。電影製作認真，仲有唔少奇幻特技，加上服裝精心設計，令作品更值得細味。當然，最正就梗係片中床戲夠多而且多元化，只因有三個女主角咁多，日本妹工藤瞳演得夠放夠熱情，雖然楣姐全程冇露點，但係淫蕩表情搭夠，而佢仲同工藤瞳有幕豆腐戲添！
撰文：賢