每年一度美國兩個大型四仔頒獎禮AVN及XBIZ，為咗搶收視搶粉絲支持，由年頭宣傳到年尾，踏入9月，更於成人網站鋪天蓋地「洗版」洗腦，令人發夢都記得啦！
AVN頒獎禮講得太多喇，大家記住明年1月18日舉行就得；反而XBIZ鮮有同大家交代，呢個頒獎禮係為業界出錢出力嘅老闆而設，純粹畀機會廣告商宣傳，同時畀班廠家佬虛榮一下而已。而今年XBIZ最強話題必定係Jenna Jameson落實做頒獎禮嘅司儀，呢位一代脫星家陣已經搖身成為國際名人，佢對上一次出席成人頒獎禮，已經係6年前，你話點可以唔撐先！
早前XBIZ喺官網發出獎項提名名單，細佬就發現今屆新增咗幾個獎項，分別係歐美四仔界近年大力吹捧嘅女性主義四仔，即係乜都由女性出發，頒發最佳女製片、最佳女導演、最佳女演員、最佳女體位等。
而喺科技領域就新增「New Site of the Year」獎項，即係最佳新鹹網大獎。另外，最搵錢嘅情趣用品界亦增設兩個獎項，分別係「Pleasure Product of the Year」以及「Specialty Pleasure Product of the Year」，好明顯係全球性玩具銷售額激增所致啦！
仲有噃，連零售及分銷四仔界別都有獎派，包括「Progressive Retailer of the Year」及「 Progressive Distributor of the Year」，全部加埋超過頒發150個獎項，嘩！咁同阿公分豬肉有乜分別啫！你唔好理，總之人人有獎，皆大歡喜，明年1月24日晚有分曉。
撰文：祖