最近大台搞咗個歌唱比賽，據講深受觀眾歡迎，其實同一時間內地多個電視台，都進行緊各類型嘅歌唱比賽，所以一時間甚麼十強得主真係一街都係，而嚟自深圳嘅靚女模特兒莫倪，原來都係歌唱比賽十佳之一。
莫倪小時候冇諗過將來要做明星歌星，所以冇學其他人咁，小小年紀就學習唱歌跳舞，亦因此冇乜嘢舞台經驗，後嚟讀大學，莫倪亦冇話報讀演藝學校，同平常人一樣，只報咗啲熱門搵錢科目，而佢就報讀電腦科技，擺明打算畢業出嚟就疊埋心水做IT人，但幸運之神對佢相當眷顧，讀大學時，由於莫倪樣子清秀，被同學封佢為校花，之後誤打誤撞，參加咗某大品牌汽水舉辦嘅全國選秀大賽，以她嘅業餘歌喉，竟勇奪全國十佳，自此就踏入咗娛樂圈。起初只參與影視工作，雖然只做啲小角色，但佢欣然接受，而且努力學習，不斷充實自己。
莫倪經過多年努力，漸漸被更多人認識，當中最為人認識嘅係模特兒工作，事關佢樣子秀麗，可塑性好高，要佢性感狂野就即時火辣迷人，要佢高貴幽雅就即時斯文淡定，對一個唔係專科培訓出嚟嘅新人嚟講，睇出佢嘅天分絕唔簡單，特別係超性感寫真，好多粉絲睇到流晒鼻血。莫倪身材高挑，咪睇佢上圍只得34吋，但一樣可以製造出波濤「胸」湧嘅效果，令人嘆為觀止，所以深受內衣廠商嘅歡迎，廣告搵佢拍完一輯又一輯，網友更封佢為「內衣女王」，絕對係實至名歸。
簡介：莫倪雖然歌影視三方面發展，但模特兒工作仍然看重，所以佢嘅寫真不斷更新，有啲都幾噴血o架，下面嘅網站就有好多。
網址：www.moko.cc/mokomoni
出生地：深圳
三圍：34-25-34
身高：164cm
撰文：龍四海