點先算「幸運」？英國脫模Daisy Watts就最明白，皆因阿妹一次陰差陽錯，由原來一心做硬照Model，結果去咗做脫模，登完雜誌一炮而紅，內心掙扎逾年都未投入工作，但人氣有升無跌，粉絲跪求佢繼續剝，咁叫幸運定不幸呢？
靚樣靚架生，做Model就最啱，難怪Daisy Watts報稱畢業後即刻去模特兒公司自薦，諗住唔使點做都搵到食啦！據Daisy自爆，佢深知自己條件超班，靚樣靚偈，有對32E堅咪，白滑長腿，一定撈嘢！所以喺未面試前已自設底線，頂盡只接受內衣工作，要在人前剝衫一定冇得傾，無奈當佢簽約成為Model時，無意中接受裸露工作，事後話咁快就收「柯打」可登雜誌封面，阿妹梗係開心都嚟唔切，一口應承啦，點知真正開工先知係要露兩球，全部工作人員準備就緒，佢話有想過縮沙，但為顧全大局，決定以「青春留倩影」做藉口，狠狠地剝一次喎！結果呢一脫成為Zoo男性雜誌封面，Daisy剝過後已對自己承諾唔會再剝，但外界反應激好，多本雜誌都搵阿妹再嚟多鑊，可惜都被佢一口拒絕。
Daisy Watts表示外界反應令佢又驚又喜，驚嘅係怕自己要一世剝衫搵食，喜嘅係咁多人Like佢，晒吓咪咪就搵到錢真係話都冇咁易，結果「收埋」自己半年後，決定再喺OnlyTease制服網站試剝，原來阿妹希望喺虛擬世界化名密密剝，而現實世界則繼續做主流Model，但點估得到「幸運之神」再次令阿妹成為該網站去年最受歡迎脫模第一名，最終咪又係現實虛擬世界都咁多人Like囉！經過呢次， Daisy證實自己唔適合着衫，即使着咗都要逐件剝。大約半年前開始，Daisy全面發功，內衣泳衣、制服戀物Model都見佢蹤影，更開始同其他姊妹出席裸體活動，上電視電台做節目主持，雖然今日仲未有「自摸騷」，但睇怕嚟緊再進一步都唔出奇！
簡介：「正式」成為脫模嘅Daisy Watts，依家愛上露咪，一有時間就將資料放上網同人分享，當然唔少得佢平日工作嘅花絮，你點可以唔睇！
網址：http://www.tumblr.com/tagged/daisy-watts
出生日期：1989年12月12日
三 圍：32E-25-34
身 高：5呎6吋
撰文：祖