日本老牌AV廠Alice Japan一向專注拍戲，少有其他搞作，然而佢將會破天荒舉行一個大型活動，屆時旗下女優都會統統出席，同AV迷近距離接觸，想同心儀女優把酒談心，千祈咪錯過喇！
日本AV名廠為咗幫旗下嘅女優宣傳，以及增加廠方嘅人氣，都會大搞公開活動，招請各界AV迷參加，好似SOD咁，就成日搞素人男優招募，亦經常安排AV女優喺街上派呢樣派嗰樣；另一間大廠Moodyz最近亦舉行AV迷同女優一齊BBQ嘅活動；至於老牌廠Alice Japan多年嚟都冇搞過宣傳活動，唔知係咪佢終於覺悟，將於10月1日舉辦一個名為「愛麗絲亦有聚餐」嘅活動。是次活動絕對係近10年AJ廠舉行嘅最大型一次，因為佢出動到旗下所有女優，包括癡女王者朝日奈明、葵司、辰巳由衣、川上奈奈美等共8名專屬女優。
該活動喺一間位於新宿嘅LOFT/PLUS ONE餐廳舉行，屆時一眾AJ廠專屬女優會同AV迷一齊進餐，並且豪情暢飲，期間AV迷可以盡情同女優把酒談心，同時仲有攝影會舉行，等AV迷一過龍友癮。咁都未算，班女優仲會各自送出私人物品作抽獎，可謂又食又拎呀！至於收費方面，預早訂入場門票只係需要3,000日圓，買即日票都係3,500日圓，為港幣300蚊有找，詳情可以Click上網睇。
AJ廠舉行活動嘅消息惹起唔少日本網民注意，有人猜測廠方嘅目的除咗為報答AV迷支持，仲可能有機會從聚餐當中發掘素人男優，拍攝酒醉交歡系列，此系列作《出來飲醉的女色狼》早前由朝日奈明拍過一集，據講反應唔錯，故此AJ廠一直都好想再接再厲。
網址：www.loft-prj.co.jp/schedule/plusone/18344
撰文：賢